• परिचय

तालिम केन्द्रको विगत र वर्तमानः विकासको समानुपातिक अवधारणा अनुसार सुदुरपश्चिम र मध्यपश्चिमका सबै जिल्लाहरुको बार्षिक स्वीकृत कार्यक्रम अनुसारका क्षेत्रीय स्तरका पशु सेवा सम्बन्धी तालिमहरु संचालन गर्ने उद्धेश्यले वि.सं. २०४४ सालमा क्षेत्रीय पशु सेवा तालिम केन्द्र, नेपालगंजको स्थापना भएको थियो । वि.सं. २०४९/०५० सम्म कृषि विकास विभाग र पशु सेवा विभाग एककिृत भएको अवस्थामा क्षेत्रीय पशु सेवा तालिम केन्द्र अन्तर्गत एउटा छाना मुनी रही तालीम कार्यक्रमहरु संचालन गरिएको थियो । पुनः वि.सं. २०५२ सालमा पशु सेवा विभाग र कृषि विकास छुट्टाछुट्टै अस्तित्वमा आए पछि कृषि तथा सहकारी मन्त्रालय, पशु सेवा विभाग, पशु सेवा तालमि तथा प्रसार निर्देशनालय अन्तर्गत पाँचै विकास क्षेत्रमा १-१ वटा क्षेत्रीय पशु सेवा तालिम केन्द्रको स्थापना गर्ने नीति अनुसार यस क्षेत्रमा २०५२ श्रावण १ गते देखि क्षेत्रीय पशु सेवा तालिम केन्द्र, नेपालगंजको स्थापना भएको थियो । हाल वि.स्. २०७५ साल श्रावण १ गते देखि प्रदेश सरकार लुम्विनी प्रदेश (प्रदेश नं. ५ ) अन्तर्गत रहने गरी क्षेत्रीय पशु सेवा तालिम केन्द्रको नाम र कार्यक्षेत्र परविर्तन गरी पशु सेवा तालिम केन्द्र नेपालगंजको स्थापना भएको छ ।

...